Zee, is de kreten van meeuwen op Vismaart,

echo's ien holte van stad

Over de gedempte daipen wiekt zee stad ien

en hoalt terug wat mins roofd en over het.

Doekvluchten noar iengewanden en koppen,

flitsen van zee. Zee speurt boven stad. Ontelbare wendingen

van zuiken is zee, is wat mins zien handel is.

Noar ind van de dag zakt pries van zee

en brekt mins zien zee weer op.

Wat achterblift is de geur van zee en keert

as zun achter korenbeurs en kerk hangt, 

terug naor zee.

JAN GLAS